Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 54-1} koṭiya um kōṭṭa um nīr iṉṟi niṟam peṟa
• {KALI 54-2} poṭi aḻal puṟantanta pū ā pūm polaṉ kōtai
• {KALI 54-3} toṭi ceṟi yāppu amai ari muṉkai aṇai tōḷāy
• {KALI 54-4} aṭi uṟai aruḷāmai ottatu ō niṉakku eṉṉa
• {KALI 54-5} narantam nāṟu irum kūntal eñcātu naṉi paṟṟi
• {KALI 54-6} polam puṉai makaravāy nuṅkiya cikaḻikai
• {KALI 54-7} nalampeṟa cuṟṟiya kural amai oru kāḻ
• {KALI 54-8} viral muṟai cuṟṟi mōkkal um mōntaṉaṉ
• {KALI 54-9} naṟāa aviḻntaṉṉa eṉ mel viral pōtu koṇṭu
• {KALI 54-10} ceṟāa ce kaṇ putaiya vaittu
• {KALI 54-11} paṟāa kurukiṉ uyirttal um uyirttaṉaṉ
• {KALI 54-12} toyyil iḷa mulai iṉiya taivantu
• {KALI 54-13} toyyal am taṭam kaiyiṉ vīḻ piṭi aḷikkum
• {KALI 54-14} maiyal yāṉaiyiṉ maruṭṭal um maruṭṭiṉaṉ
• {KALI 54-15} ataṉāl
• {KALI 54-16} allal kaḷaintaṉaṉ tōḻi nam nakar
• {KALI 54-17} arum kaṭi nīvāmai kūṟiṉ naṉṟu eṉa
• {KALI 54-18} niṉṉoṭu cūḻval tōḻi nayam purintu
• {KALI 54-19} iṉṉatu ceytāḷ ivaḷ eṉa
• {KALI 54-20} maṉṉā ulakattu maṉṉuvatu puraimē